تعددت ردود الفعل على تصريحات البابا من مظاهرات وتصريحات مضادة نقلتها كلها وسائل الإعلام، لكن هناك آراء لم ينقلها الإعلام وإليكم جزء من حوار مع أحد أفراد الشعب المطحونين جداً

الإسم : ليس مهما

السن : 50 عاماًً

الحالة الإجتماعية : متزوج وله أربعة  أطفال

المهنة : بائع ملابس جوال في الأسواق

وإليكم رأيه في أزمة تصريحات بابا الفاتيكان التي اعتبرت مسيئة للإسلام

والله الناس دي ناس فاضية جداً

- من تقصد

كل اللي عاملين مشكلة على الموضوع ده ، ماحدش فيهم حاسس بالناس بحق وحقيق، الناس تعبانة في الجري وراء لقمة العيش، ده بدل ما يتكلموا عن ارتفاع الأسعار وقلة العمل ، السوق واقف والناس لا تشتري لأنهم ليس معهم فلوس

لكن تصريحات البابا أضرت بمشاعر المسلمين  -

طيب لو أنكم زعلانين على مشاعر الناس بجد طيب الناس مشاعرها تتضرر وتجرح بل وتتمرمغ مشاعرهم وكرامتهم كل يوم بجد مش تصريحات في كمائن الشرطة وأقسام الشرطة وفي الجري وراء لقمة العيش، تتركون كل هذا وتمسكون في تصريحات لا أعرف بالضبط والله ما ضررها مقارنة بالتعذيب والقتل في أقسام الشرطة، وبعدين البابا بيقول كلام طيب ما إحنا بنقول كلام أكثر منه وبعدين الكلام ده ربنا هو اللي يحاسب عليه هو إحنا ربنا ،والمسيحي مسيحي والمسلم مسلم واليهودي يهودي وكلنا عايشين ، المشكلة الحقيقية والتي لا تتحدثون عنها هي عيشة الناس